Қарағандыда ер адам бұрынғы әйелі тұрмысқа шыққаны үшін көпірден секірмек болды

Қарағандылық тұрғындар көпірден секірмек болған ер адамды құтқарып қалды, деп хабарлайды Almaty.tv.

Облыстық полиция департаментінің хабарлауынша, оқиға 25 маусымда болған.

«Сағат 21:30-да белгісіз азамат Бұқар жырау даңғылындағы көпірден секірмек болған. Өз-өзіне қол салмақ болған азаматты сол жерден өтіп бара жатқан адамдар түсіріп алып, полиция жасағына берді», - делінген хабарламада.

Полиция қызметкерлері 29 жастағы қала тұрғынына қатысты әкімшілік іс бастады.

«Спирттік ішімдік ішіп алған ер адам бұл әрекетке бұрынғы әйелінің тұрмыс құрғанын естіген соң барған», - делінген хабарламада.