8 наурызға «тосынсый»: Оралда 9 сынып оқушысын өз құрдастары зорлады

Оралда Халықаралық әйелдер күні қарсаңында қатарластары 9 сынып оқушысын зорлады. Аталған фактіні Батыс Қазақстан облыстық полиция департаментінің баспасөз қызметі растады, деп хабарлайды Almaty.tv тілшісі «Уральская неделя» басылымына сілтеме жасап.

8 наурызда оқушының ата-анасы мерекені достарымен бірге атап өтуге рұқсат беріп, ал өздері кетіп қалған. Нәтижесінде бірнеше жігіт қызды зорлаған.

«Іс кәмелетке толмағандармен байланысты болғандықтан, біз ол туралы прокуратураның келісімінсіз айта алмаймыз. Барлық қажетті ақпарат 12 наурызда айтылады», - деп хабарлады полицияның баспасөз қызметі.

Сондай-ақ, зорлау фактісі қалалық білім бөлімінің басылымында да жанама түрде расталды. Осылайша, тәрбие бөлімінің бас маманы Жазира Рысқалиева осы оқиғадан кейін Орал мектептерінде өткізілетін іс-шаралар туралы хабарлады.

«Қаланың барлық мектептерінде біз 3 сәуірге дейін барлық сыныптарда ата-аналар жиналысын өткіземіз. Біз бұл жағдайды нақты қозғамаймыз, бірақ ата-аналарға олардың балаларының қауіпсіздігіне қатысты түсіндіреміз. Мысалы, оларға балаларға осындай іс-шараларға рұқсат берудің қажеті жоқ, қалта шығындарын беру туралы түсіндіретін боламыз. Жиынға мектеп инспекторлары, медиктер мен психологтар қатысады», - деді маман.

Алматы облысының Талғар ауданында зәбір көрген қыздың жағдайы орташа ауыр