Арыста қоқыс өртеу кезінде жарылыс болды

Арыста қоқысты өртеу кезінде жарылыс болып, соның салдарынан ер адам жарақат алды, деп хабарлайды Stan.kz.

Бұл туралы Түркістан облысы әкімінің кеңесшісі Сәкен Қалқаманов өзінің Facebook парақшасында айтты.

Кеңесшінің айтуынша, оқиға кеше түнде болған. Қоқысты жағып жатқанда белгісіз зат жарылды.

Зардап шегуші ауруханаға жеткізілді. Оған жеңіл дене жарақаттары диагнозы қойылған (аяғы мен қолы жарақаттанған). Оны дәрігерлер тексеріп, қажетті көмек көрсеткен соң үйіне жіберді.

Арнайы қызметтер сол жерде жұмыс істеді. Әзірге нақты ненің жарылғаны белгісіз.