«Қарағанды-Теміртау» тас жолында көлік апатынан 4 адам қаза тапты

inform.kz

Бір жолаушы түрлі жарақатпен ауруханаға жеткізілді

Алдын ала болжам бойынша «ВМW» маркалы автокөлігінің 30 жасар жүргізушісі көліктің рөліне ие бола алмай аударылған, деп хабарлайды Almaty.tv тілшісі.

Жол көлік оқиғасы барысында машина ішінде болған 21-жасар азаматша алған дене жарақаттарының салдарынан оқиға орнында көз жұмса, жүргізуші мен тағы да екі жолаушы Теміртау қалалық орталық ауруханасында жан тапсырды. Сонымен қатар тағы бір 21-жасар жолаушы әртүрлі дене жарақаттарымен ауруханаға жатқызылған.

«Аталған факт бойынша ҚР Қылмыстық Кодексінің 345-бабы 4-тармағына сәйкес, сотқа дейінгі тергеу амалдары басталды. Тиісті сараптамалар тағайындалып, терегеу амалдары жүргізілуде», – Қарағанды облысының ПД баспасөз хатшысы Жаңатай СЕМБЕКОВ.