|
26.06.2020 | 10:38
3478

Павлодарда түнде өрт болған үйден әйел адамның денесі табылды

Өрт сөндірушілер баспалдақ бойынша 8 адамды эвакуациялады. Оның ішінде 1 бала бар

Павлодарда түнде өрт болған үйден әйел адамның денесі табылды Скрин @tipavlo

Қайғылы оқиға Ломов көшесі, 167 мекенжайы бойынша орын алған, деп хабарлайды Almaty.tv тілшісі pavlodarnews.kz-ке сілтеме жасап.

Облыстық ТЖД баспасөз қызметінің мәлімдеуінше, кезекшілік бөліміне  бесінші қабатта өрт шыққаны туралы хабарлама сағат 01.20-да келіп түскен.

«Бір бөлмелі пәтерде диван мен үй заттары, жалпы алаңы үш шаршы метр жанған. Құтқарушылар бесінші қабатқа арнайы сатымен көтерілді. Пәтердің ішінен 1964 жылғы әйел адамның денесі табылды», – дейді департаментте.

Өрт сөндірушілер баспалдақ бойынша 8 адамды эвакуациялады. Оның ішінде 1  бала бар. Пәтердің ішін ыс басып кеткен.

Тілсіз жау сағат  01.43-те сөндірілді. Өрттің шығу себебі мен келтірілген шығын көлемі анықталуда.

Оқиға орнында өрт сөндіру және авариялық-құтқару жұмыстары қызметі мен медицина апаттары орталығынан 17 қызметкер мен бес техника жұмыс істеді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир