Шымкентте полицейлер өзін өртеп жібермек болған тұрғынды құтқарды

32 жастағы ер адам үстіне жанармай құйып, өзін өртеп жібермек болған. Алайда дер кезінде келген полицейлер оны құтқарып қалды, деп хабарлайды Polisia.kz.

«8 маусым күні Еңбекші ауданының полиция басқармасына Жібек жолы көшесінде орналасқан облыстық туберкулезге қарсы диспансер ғимаратының артында ер адам үстіне жанармай құйып, өзін өртейін деп жатыр деген хабарлама түсті. Оқиға орнына келген полицияның учаскелік инспекторлары және патрульді полиция полкінің қызметкерлері келіссөз арқылы оны аман алып қалған», - делінген обылстық ПД хабарламасында.

Аталмыш факт ҚР ҚК 105-бабы 1-бөлігі «Өз-өзіне қол жұмсауға дейін жеткізу» бойынша сотқа дейінгі тергеудің бірыңғай реестіріне тіркелді.