Ақтөбе облысында бөгет жарылып, адамдар шұғыл эвакуациялануда

Ақтөбе облысының Әйтеке би ауданында Щербаково бөгетінің шлюзінің үстінде жарықтар пайда болды, деп хабарлады  Аlmaty.tv тілшісі ҚР Төтенше жағдайлар министрлігіне сілтеме жасап.

Төтенше жағдайлар қызметінің күштері Талдысай мен Жүргенов ауылындағы 45 жеке тұрғын үйден 149 адамды алдын ала эвакуациялады.

"Сағат 21:40-та бөгет опырылып, Жүргенов ауылының шетіндегі Ырғыз өзеніне су құя бастады. Жергілікті үкімет күштері бұл ауылдардан тұрғындарды эвакуациялай бастады. 251 адам, оның ішінде 87 бала, 320 ірі қара, 340 ұсақ мал, 606 құс өз бетінше көшірілді.

Төтенше жағдайға байланысты тұрғындар алдында Әйтеке би ауданының әкімі Дәулетияр Тұғызбаев сөз сөйледі.

- Құрметті жерлестер, Жүргенов ауылы мен Талдысай ауылының тұрғындары! Өткен жылы қайта салынған Щербаково бөгеті судың көп түсуінен қирады. Сондықтан қазір апатты жағдайда эвакуациялау жұмыстары жүргізіліп жатыр. Бұл туралы кеше хабарлаған болатынбыз. Бірақ араларыңызда бұрын-соңды көшелерін су баспағанын айтып, көшкісі келмейтіндер де бар, - деді аудан әкімі.

Оқи отырыңыз: Қарғын су: республикалық маңызы бар бірнеше жолда шектеу қойылды