Кеше Ырғыз ауданының Құрылыс ауылында екі бала суға батып кетті. Біреуінің денесі екі сағат ішінде табылды. Ал екіншісін сүңгуірлер 5 метр тереңдіктен алып шықты, деп хабарлайды Almaty.tv.
«28 мамыр күні сағат 01:25-те ТЖД Жедел құтқару жасағының сүңгуірлері тереңдігі 5 метр және жағадан 6 метр қашықтықта 12 жастағы ер баланың денесін судан шығарды», - деп хабарлады облыстық ТЖД баспасөз қызметі.
Еске салсақ, оқиға Ырғыз өзенінің Құрылыс ауылы маңында болды. 12 жастағы екі бала бұзау іздеуге шығып, оралмаған.
Оқи отырыңыз: Қапы қалмаңыз: көрермен көзайымына арналған үздік жобалар
