Қытайда жолаушылар пойызы 9 адамды қағып кетті

Қытайда жолаушылар пойызы теміржолда 9 жұмысшыны қағып кетті, деп хабарлайды Almaty.tv тілшісі Sputnik Қазақстанға сілтеме жасап.

Оқиға Ганьсу провинциясының Цзиньчан уезі аумағында болды.

Жолаушылар пойызы теміржолдағы жұмысшыларды қағып кеткен, алдын ала мәліметке сәйкес, тоғыз адам көз жұмды.

Төтенше жағдайдың мән-жайы әзірге белгісіз.

Іздеу-құтқару жұмыстары жалғасып жатыр, ТЖ себептері анықталуда.

Басылым ақпаратынша, пойыз Шыңжаң-Ұйғыр автономды ауданының әкімшілік орталығы – Үрімші қаласынан Ханчжоуға (Чжэцзян провинциясы) бет алған.