Маңғыстауда көлік түйені қағып, 2 адам қайтыс болды

Маңғыстауда көлік түйені қағып, 2 адам қаза тапты, деп хабарлайды Almaty.tv тілшісі Polisia.kz-ке сілтеме жасап.

Жол апаты 16 қыркүйекте Жаңаөзен-Жетібай-Ақтау тасжолының бойындағы Қарақия ауданында болған.

"Шетпе ауылына бет алған ВАЗ 21154 көлігінің жүргізушісі екі түйені қағып кеткен. Жол апаты салдарынан екі жолаушы алған жарақаттарынан оқиға орнында көз жұмды. Зардап шеккен бес адам ауруханаға жеткізілді", - делінген хабарламада.

Аталған дерек Қылмыстық кодекстің 345-бабы бойынша тіркелді. Сот-медициналық сараптама тағайындалды. Қазір тергеу амалдары жүргізіліп жатыр.