ШҚО-да 3 жасар бала терезеден құлап кетті

Шығыс Қазақстан облысы Жезкент кентінде 3 жасар бала терезеден құлап кетті, деп хабарлайды Almaty.tv тілшісі ҚазАқпаратқа сілтеме жасап.

ШҚО төтенше жағдайлар департаменті баспасөз қызметінің мәліметіне сүйенсек, ата-анасының қарауынсыз қалған бала терезеден құлап кеткен. 

«Жезкент кентіндегі Октябрь даңғылында орналасқан жатақханада 2018 жылғы бала 5 қабаттағы терезеден құлап түсті. Куәгерлердің айтуынша, алдымен терезеден мысық, содан кейін қыз құлап кеткен», – деп хабарлады ведомство өкілдері. 

Құтқарушылар бұл өңірдегі жыл басынан бергі екінші оқиға екенін атап өтті. Көбіне жазатайым оқиғалар ата-аналардың қорғаныс құрылғыларын уақытында орнатпағанынан және балаларды жалғыз қалдырып, немқұрайлылық танытуынан болады.