Алматыда BMW көлігі бағанаға соғылып, жанып кетті

Алматыдағы әл-Фараби даңғылында жеңіл көлік бағанаға соғылып, өртеніп кетті, деп хабарлайды Almaty.tv тілшісі Tengrinews.kz-ке сілтеме жасап.

Видео Instagram әлеуметтік желісінде жарияланды.

Алматы Полиция департаментінің баспасөз қызметі мәліметінше, 10 маусымда сағат 3.05 шамасында әл-Фараби даңғылы бойымен шығыс бағытта келе жатқан BMW жүргізушісі темір тірекке соғылған.

"Соқыдан көлік қирап, өрт шықты. Оқиға салдарынан BMW көлігінің жүргізушісі жарақат алып, медициналық мекемеге жеткізілді. Бұл деректі Бостандық аудандық Полиция бөлімі тергеп жатыр", - деді Алматы қалалық Полиция департаментінің тергеу басқармасы бастығы полиция подполковнигі Олжас Шәріпов.