Ақтөбе облысында жол апатынан 2 жүргізуші қайтыс болды

Ақтөбе облысында жол апатынан екі жүргізуші қайтыс болды, деп хабарлайды Almaty.tv тілшісі polisia.kz-ке сілтеме жасап.

7 сәуір күні Lada Priora автокөлігінің 31 жастағы жүргізушісі Жаңажол-Сарыкөл автожолымен (Сарыкөл ауылынан 4 км қашықтықта) жүріп келе жатып, қарсы қозғалысқа арналған жолаққа шығып, 68 жастағы жүргізушінің басқаруындағы Renault Daster автокөлігімен соқтығысты.

ЖКО салдарынан Lada жүргізушісі оқиға орнында алған жарақаттарынан қайтыс болды. Екінші көліктің жүргізушісі алған жарақаттарынан Кеңқияқ ауылы ауруханасының қабылдау бөлімінде көз жұмды.

Lada-да болған бір жолаушы мен Duster көлігіндегі үш жолаушы, арасында екі кәмелетке толмаған бала Кеңқияқ ауылындағы ауруханаға жатқызылды.

Сотқа дейінгі тергеу басталды.