Алматыда ер адам «Нұрлы Тау» ғимаратынан құлап кетті

Алматыдағы «Нұрлы Тау» бизнес орталығы ғимаратынан ер адам құлап кетті, деп хабарлайды ҚазАқпарат.

Қайғылы жағдай болған жерден түсірілген суреттер әлеуметтік желіде таралды.

«Биіктен құлады. Оқиға орнында жедел жәрдем, аудандық төтенше жағдайлар бөлімі, полиция қызметкерлері бар», - деді қалалық ТЖД баспасөз қызметі.

Құлаған адамның кім екені әлі анықталған жоқ. Қалалық қоғамдық денсаулықты сақтау басқармасының хабарлауынша, ол жедел жәрдем жеткенше жан тапсырған.