Атырау облысында жол апатынан 2 адам көз жұмды

Атырау облысында болған жол апатынан екі адам қаза тапты. Олардың бірі 37 жастағы жолаушы, екіншісі бір жастағы бала, деп хабарлайды Almaty.tv.

«2 қаңтар күні сағат 11:50 шамасында Доссор-Бейнеу тасжолының 147-шақырымында  ВАЗ Priora мен Toyota Alphard көлігі соқтығысқан. Жол апатынан ВАЗ Priora көлігінде болған 1985 жылғы және 2021 жылы туған жолаушы оқиға орнында мерт болды», - деп көрсетті Атырау облыстық Полиция департаменті.

Қазір полицейлер оқиғаның мән-жайын анықтап жатыр.