Қостанайда 215 тұрғын қауіпсіз жерге көшірілді

Қостанай облысының әкімдігі

Құтқару жұмыстарына тәртіп сақшылары мен құтқарушылар, жергілікті атқарушы орган жұмылдырылды

Қостанайда су басу қаупіне байланысты полицейлер мен құтқарушылар жергілікті атқарушы органдармен бірлесіп эвакуация жұмыстарын жүргізіп жатыр, деп хабарлайды Аlmaty.tv тілшісі Қазақстан Республикасы Төтенше жағдайлар министрлігінің баспасөз қызметіне сілтеме жасап.

Құтқару жұмыстарына жұмылдырылған тәртіп сақшылары мен құтқарушылар сондай-ақ жергілікті атқарушы органдар бірлесіп «Мичуринец», «Садовод» және «Дорожник» бау-бақша қоғамының тұрғындарын эвакуациялады.

Барлығы 215 тұрғын қауіпсіз жерге көшірілді.

Бұған дейін Қостанайда төтенше жағдай жарияланғанын хабарлаған болатынбыз.

Оқи отырыңыз: Жылыой ауданда төтенше жағдай жарияланды (видео)