Оралда көпқабатты үйде өрт шығып, 5 адам құтқарылды

inform.kz

Оқыс оқиғадан ешкім зардап шекпеді

Оралда көпқабатты үйде өрт шығып, 40-қа жуық адам эвакуацияланды, деп хабарлайды Almaty.tv тілшісі ҚазАқпаратқа сілтеме жасап.

ҚО ТЖ департаментінің баспасөз қызметі мәлім еткеніндей, оқиға 5 маусым күні сағат 03.49-да Ружейников көшесі 9-мекенжайда орналасқан бес қабатты үйде болды. Екінші қабаттағы №35, №38, №39 пәтерлер жанды. Оқиға орнынан ТЖ департаментінің күшімен 5 адам құтқарылды. Оған қоса 39 адам эвакуацияланса, оның 19-ы бала.

Оқыс оқиғадан ешкім зардап шекпеді. «Тілсіз жау» сағат 05.10-да толықтай ауыздықталды. Оны сөндіруге 35 қызметкер 12 техника жұмылдырылды.