Алматы-Қорғас жолында жол апатынан жүргізушінің анасы көз жұмды

Алматы - Қорғас автожолының 54 шақырымында қайғылы оқиға орын алды, деп хабарлайды Zakon.kz.

Алматы бағытында келе жатқан Mazda Familia жүргізушісі көлікке ие бола алмай қоршауға соғылды.

«Негізгі соққы артқы есікке келген. Өкінішке қарай жүргізушінің анасы ауыр жарақаттан оқиға орнында көз жұмды. Жүргізушіні Есік аудандық ауруханасына жеткізді. Оның айтуы бойынша, ол сол жақ жолақшамен қозғалған. Соңынан ілескен автокөлік жол сұрағандықтан, ол оңға қарай жылжуға тырысқан. Осы сәтте қайғылы оқиға орын алған. Оның себептерінің бірі - автокөлік дөңгелектерінің ауыстырылмағаны болуы мүмкін», - деген мәлімет берді "ҚазАвтоЖол" ҰК АҚ баспасөз қызметінің басшысы Маржан Ордабай.