Баянауылда екі жасар бала трактордан құлап, көз жұмды

Фото: ашық дереккөзден

Тексеру жүргізіліп, сараптама тағайындалды

Баянауыл ауданында екі жасар бала трактордан құлап, көз жұмды. Полиция тексеру жүргізіп жатыр, деп хабарлайды Almaty.tv тілшісі Pavlodarnews.kz-ке сілтеме жасап.

Облыстық полиция департаменті баспасөз қызметінің мәліметінше, 7 шілде күні сағат 15:30-да Баянауыл ауданы Қаражар ауылында үйдің ауласында 2019 жылы туған бала «МТЗ-82» тракторының салонынан жерге құлап түскен.

«Сәби ауруханаға жатқызылды. Өкінішке қарай, алған жарақатынан есін жимастан көз жұмды. Кәмелетке толмаған балаларды бірнеше секундқа да қараусыз қалдырмаңыз. Балаға бір жерге көтерілуге немесе жүгіруге 10-20 секунд жеткілікті. Әсіресе кішкентай балаларды назардан тыс қалдырмаңыздар»,– делінген хабарламада.

Тексеру жүргізіліп, сараптама тағайындалды.