Есіл өзенінде мұз жарылып, ер адам суға кетті

Оның қалай қайтыс болғаны тексеріліп жатыр

Ақмола облысында ер адам Есіл өзенінде мұз жарылып, суға кетті, деп хабарлайды Tengrinews.kz ҚР ІІМ ТЖК баспасөз қызметіне сілтеме жасап.

"19 қарашада Ақмола облысы Атбасар ауданы Тельман ауылынан екі шақырым жердегі Есіл өзенінен ТЖД күштерімен 1954 жылғы ер адамның денесін судан алып шықты", - делінген ТЖ Комитеті баспасөз қызметінің хабарламасында.

Куәгердің айтуынша, ер адам мұз үстінде жүргенде, мұз жарылған. Оның қалай қайтыс болғаны тексеріліп жатыр.

ІІМ Төтенше жағдайлар комитеті азаматтарға қазір мұз үстінде жүру қауіпті екенін ескертеді. Күздегі мұз қараша мен желтоқсан аралығында аса қатпайды екен.