Бір апта ішінде еліміздің аумағында 3 307 қылмыс жасалды. Бұл туралы ҚР Ішкі істер министрлігінің ресми өкілі Нұрділдә Ораз мәлім етті, деп хабарлайды Almaty.tv тілшісі ҚазАқпаратқа сілтеме жасап.
«Бір апта ішінде 3 307 қылмыс жасалды, оның 2 207-сі тәулік ішінде ашылды. Полиция қызметкерлері «ізін суытпай» 11 кісі өлтіруді, 6 өлімге әкеп соққан денсаулыққа қасақана ауыр зиян келтіруді, 34 қарақшылық пен тонауды және 511 бөтен мүлікті ұрлау қылмыстарын ашты»,– деді Нұрділдә Ораз.
Сонымен қатар ресми өкілдің атап өтуінше, бір апта ішінде жедел алдын алу іс-шаралары барысына іздеуде жүрген 78 қылмыскер ұсталды.
