|
Оқиғалар
14.02.2019 | 12:20

Қазақстанның фермерлер одағының басшысы жиналыс үстінде ұсталды

Әуезхан Дариновқа зорлады деген айып тағылған

Қазақстанның фермерлер одағының басшысы жиналыс үстінде ұсталды

11 ақпан дүйсенбі күні «Қазақстанның фермерлер одағы» қоғамдық бірлестігінің төрағасы Әуезхан Даринов ұсталды. Бұл туралы үкіметтік емес ұйым хабарлаған, деп жазды Sputnik Қазақстан. 

Фермерлер одағының басшысы Астанадағы бірлестік кеңсесінде съезге дайындық туралы жиналыс барысында ұстапты. Бұл съезде 67 жастағы Даринов саланың дамуы бойынша өзекті мәселелерді көтеруге тиіс болатын.

«Ресми түрде Әуезхан Дариновқа зорлады деген айып тағылған. Съезд алдында бірінші басшының ұсталғанына бәріміз есеңгіреп қалдық», - деп хабарлады Қазақстанның фермелер одағы.

Астананың Полиция департаменті әзірге ақпарат берілген жоқ.

«Әріптестері мен жақындары Әуезхан Дариновты үлгілі отағасы, сүйген жар, асқар таудай әке және ата ретінде жақсы біледі. Жұмысбастылығына қарамастан, Әуезхан Қамашұлы сенбі-жексенбі күндері үнемі немерелерімен бірге болып, белсенді демалыс өткізеді. Олардың тәрбиесіне ерекше мән беріп, мәдени-спорттық шараларға алып барады. Осының бәрін алып қарасақ, ресми айыптау мүлдем ақылға қонбайды», - делінген Қазақстанның фермерлер одағының хабарламасында.

Қазақстанның фермерлер одағы – саланың даму мәселелері қаралатын пікірталас алаңқайы. Сол себепті бірінші басшының қатыспайтынына қарамастан, бірлестік съезд өткізуді жоспарлап отыр.