Алматыда Көк базар маңында кафе өртенді. Төтенше жағдай бүгін таңертең орын алған, деп хабарлайды Аlmaty.tv тілшісі.
Өрт сөндірушілер оқиға орнына 8 минутта жеткен.
"Оқиға орнына келгенде 2-қабатты ғимаратта орналасқан кафенің өртеніп жатқаны анықталды", - деп хабарлады ТЖД өкілдері.
Қазіргі таңда қызыл жалын ауыздықталды.
"Өрт 52 минут ішінде толықтай сөндірілді. Қызыл жалын 80 шаршы метрді шарпыған. Отты сөндіруге 7 техника, ТЖД-ның 22 қызметкері жұмылдырылды", - деді Төтенше жағдайлар департаментінің өкілдері.
