Оралда 17 жасар бозбала төртінші қабаттан секіріп кетті, деп хабарлайды ҚазАқпарат. БҚО денсаулық сақтау басқармасының баспасөз хатшысы Айнагүл Сақпосынованың айтуынша, оқиға 14 қараша күні Әбілқайыр хан даңғылы 153-мекенжайында орын алды.
Бозбала қалалық көпбейінді ауруханаға жеткізілді. Алайда жансақтау бөлімінде көз жұмды.
БҚО Полиция департаментінің баспасөз қызметі болған оқиғаны растап, мән-жайы анықталып жатқанын жеткізді.
