Атырау облысында күкірт тиелген вагондар рельстен шығып кетті

elements.envato.com

Зардап шеккендер жоқ

Атырау облысында күкірті бар вагондар рельстен шығып кетті, деп хабарлайды Almaty.tv тілшісі Атырау облысы ТЖД мәліметіне сілтеме жасап.

"2024 жылғы 14 ақпанда сағат 03:25-те Атырау облысы Жылыой ауданы "Құлсары" т/ж станциясы, №11 жолда "Теңізшевройл" ЖШС-не тиесілі тепловоздың 7 вагоны жартылай рельстен шығып кеткен. Тепловоздағы жалпы вагон саны - 62", - делінген хабарламада.

Вагондарда күкірт тиелгені анықталды.

"Күкірт далаға төгілген жоқ. Зардап шеккендер жоқ. Жөндеу-қалпына келтіру жұмыстарын жүргізу үшін Мақат "ҚТЖ ҰК" АҚ арнайы пойызы шықты",- деп жазылған хабарламада.

Оқи отырыңыз: Қазақстанға педофилдер, экстремистер мен лаңкестер кіргізілмейді