|
Jol
08.06.2023 | 13:51
3088

Жол ережесін 92 рет бұзған: мегаполис жүргізушісіне қомақты көлемде айыппұл салынды

Аталған заңбұзушылықтың барлығы қаланың бейнежүйелері арқылы тіркелген

Жол ережесін 92 рет бұзған: мегаполис жүргізушісіне қомақты көлемде айыппұл салынды Polisia.kz

Алматыда 2 млн теңгеден астам сомаға жол қозғалысы ережесін бұзған жүргізуші ұсталды, деп хабарлайды Almaty.tv тілшісі Алматы қаласының Полиция департаментіне сілтеме жасап.

Мәселе Ресей Федерациясында тіркелген көлік туралы болып отыр. Автоматтандырылған бағдарламалық жүйелердің мәліметі бойынша, осы Audi автокөлігінің жүргізушісі аз уақыт ішінде 92 рет жол қозғалысы ережесін бұзған. Айыппұлдың жалпы сомасы 2,2 млн теңгені құрады.

– Аталған заңбұзушылықтың барлығы қаланың бейнежүйелері арқылы тіркелген. Жүргізуші көбінесе жылдамдықты бұзған. Оны "Қорғау – қауіпті жүргізуші" автоматтандырылған жүйесі арқылы анықтап, ұстау мүмкін болды. Бұрын хабарланғандай, Алматы полициясы жалған мемлекеттік тіркеуіш нөмірлік белгілерін пайдаланатын, көліктерге арнайы белгі беру құрылғыларын орнатқан, көлікті мас күйінде басқарған және төленбеген айыппұлдары бар көлік жүргізушілерін анықтау және жауапкершілікке тарту бойынша мақсатты жұмыстар жүргізіліп жатыр. Жыл басынан бері "Қорғау – қауіпті жүргізуші" кешені қала жолдарында 3 мың 501 құқық бұзушылықты анықтады, – дейді Алматы қалалық ПД жергілікті полиция қызметі басқармасының бастығы Ержан Ұзабаев. 

Спикердің айтуынша, жақында Алматы жолында жүргізушілердің әрқайсысы 800 мың теңгеден кем емес заңбұзушылық жасаған тағы екі шетелде тіркелген көлік ұсталды. Олардың көліктері де мамандандырылған айыппұл тұрағына орналастырылды. Алматы полициясы әкімшілік айыппұлдарды дер кезінде төлеу қажеттігін тағы да еске салып, жол қозғалысы ережелерін қатаң сақтауға шақырды.

Оқи отырыңыз: Алматыда есірткінің таралуына қарсы күрес шаралары күшейтілуде

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир