|
06.12.2022 | 13:33
416

Қостанайда кәріз құбыры жарылды

Жөндеу жұмыстарына 2-3 күн кетеді

Қостанайда кәріз құбыры жарылды Фото: ucononline.com

Бүгін таңертең Қостанай қаласындағы Маяковский көшесінде кәріз құбыры жарылып, су жол бойына жайылды. Бұл туралы қала әкімдігінің баспасөз қызметінен мәлім етті, деп хабарлайды Almaty.tv тілшісі ҚазАқпаратқа сілтеме жасап.

«Бүгін таңертең сағат 06:45-те Қостанай қаласында Маяковский көшесі бойындағы қысым коллекторында апат болды. Салдарынан көшенің кәріз жүйесіндегі су жол бойына төгілді. Қазіргі уақытта «Қостанай Су» мамандары кәріз желісінің апат болған учаскесін жауып тастады. Жөндеу жұмыстарына 2-3 күн кетеді. Бұл апат қаланың тіршілігін қамтамасыз етуге кері әсер етпейді», - деп мәлім етті жергілікті құзырлы органның баспасөз қызметінен.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир