Жамбыл облысында ірі жол апатынан жолаушы мерт болды

ДП Жамбылской области

9 адам түрлі дене жарақатымен ауруханаға жеткізілген

Жамбыл облысында ірі жол апаты болып, 1 адам мерт болды, деп хабарлайды Almaty.tv.

Әуелі таңғы сағат 3:00 шамасында Таразға бара жатқан Scania жүк көлігінің тіркемесі өртенген. Арада 40 минут өткен соң оқиға орнынан 600 метр қашықтықта тоқтап тұрған 10 машинаны DAF жүк көлігі келіп қаққан. Салдарынан 4 автокөлік өртеніп, Toyota Camry көлігінде отырған жолаушы оқиға орнында көз жұмды. Тағы 9 адам түрлі дене жарақатымен ауруханаға жеткізілген.

«3 адам Тараз қаласы ауруханасы жансақтау бөлімінде жатыр. Аталған дерек бойынша ҚР Қылмыстық Кодексінің 345-бабы, 3-бөлімімен сотқа дейінгі тергеу амалдары басталды», – деді Облыстық ПД баспасөз хатшысы Гүлсара Мұхтарқұлова.