Жеделсатыға түкірген: астаналық жігіттің ерсі әрекеті халықтың ашуын туғызды

Елорда полициясы жеделсаты есігіне бірнеше рет түкірген ер адамды ұстады, деп хабарлайды Almaty.tv тілшісі Sputnik Қазақстанға сілтеме жасап.

Әлеуметтік желіде тараған видеода үш жігіттің жеделсатыға кіргенін көруге болады. Ортада тұрған біреуі тоқтамай, есікке түкіре бастайды. Ал жеделсаты ашылғаннан кейін бәрі күле бастайды. Жейде киген біреуі сол үйде тұратын адамға ұқсайды. Видео анықтамасында "Нұр-Сұлтан, Медина тұрғын үйі" деп көрсетілген.

Қалалық полиция департаменті осы оқиғаның астанада болғанын растады.

"25 қараша түнгі уақытта үш жігіт Сарыарқа ауданындағы Ақан сері көшесінің бойында орналасқан "Медина" тұрғын үй кешенінде үш жігіт лифтіге кірген. Біреуі есіктің ойығына түкіре бастады. Ол 22 жастағы қала тұрғыны болып шықты", – дейді полицейлер.

Жас жігіт әкімшілік құқықбұзушылық туралы кодекстің 434-бабы ("Ұсақ бұзақылық") бойынша жауапқа тартылды. Оған сәйкес, 5 айлық есептiк көрсеткiш (14 585 теңге) мөлшерiнде айыппұл салу немесе 10 тәулiкке дейiнгi мерзiмге әкiмшiлiк қамаққа алу жазасы қарастырылған.

Бұзақы мас болған. Сол үшін тағы 14 585 теңгенің айыппұлын арқалады. Ол полиция бөлімшесінде видео арқылы қала тұрғындарынан кешірім сұрады.