Елордада газ толтыру стансасында өрт шығып, 4 адам зардап шекті, деп хабарлайды Almaty.tv.
Олар №1 қалалық көпбейінді ауруханаға жеткізілген. Қазіргі кезде үшеуі ауыр халде жатыр. Оқиға кеше сағат 22:00 шамасында орын алған. Нысанға өрт сөндірушілер жеткен бетте ғимараттың жанып жатқанын анықтаған. Кейін штаб құрылып, қызыл жалынды сөндіруге кіріскен.
«Зардап шеккендер негізі жалға беретін үй жайлардың жұмысшылары. Негізгі өрттің себебі, материалдық жағдайы және кінәлі тұлғалар анықталуда. Өрт нәтижесінде бүгінгі күнге қылмыстық іс қозғалды»,- деп мәлімдеді ТЖД Өрт қауіпсіздігі басқармасы бастығының орынбасары Ажар Рүстемова.
