Қазақстанда тұрмыстық зорлық-зомбылық үшін әйелге айыппұл салына ма

Ішкі істер вице-министрі Игорь Лепеха Сенат отырысында Мәжіліс депутаты Жарқынбек Амантайдың тұрмыстағы зорлық-зомбылық құрбаны агрессорларды "арандатса", оларға айыппұл салу туралы ұсынысына қатысты мәлімдеме жасады, деп хабарлайды Аlmaty.tv тілшісі Zakon.kz-ке сілтеме жасап.

Игорь Лепеха Ішкі істер министрлігі тұрмыстағы зорлық-зомбылықпен табанды күресетінін айтты.

 - Заң жобасы аясында біз жиналған тәжірибені ескере отырып, барлығын мүмкіндігінше жүзеге асыруға тырысамыз. Мен сіздің айтып отырғаныңызды түсінемін. Бірақ қалай болғанда да, мұның барлығын көпшілік қабылдайды. Біз әуелі талқылаймыз. Бұл бірінші сүзгі болады. Ал кейбір жұмыс талаптарына сай келмеуі де мүмкін. Кейін палатаның тиісті комитетінде талқыланады, бұл - екінші сүзгі. Сосын палата бар, яғни қажетсіз немесе дұрыс емес, тіпті даулы нәрселерді жоюға нақты мүмкіндік беретін көптеген кезең бар. Болмауы керек нәрсе болмайды, - деп сендірді Ішкі істер вице-министрі.

Журналистердің "Депутаттың тұрмыстағы зорлық-зомбылық құрбандарына айыппұл салу туралы бастамасы заңға шынымен кірмей ме?" деген сауалына Ішкі істер министрлігінің өкілі оң жауап берді.

 - Тіпті зорлық-зомбылық құрбандарына айыппұл салу деген сөйлемнің өзінде бірінші бөлігі мен екінші бөлігі бір-біріне қарама-қайшы. Меніңше, біреудің бұған баруы және оны қолдауы екіталай, - деді Игорь Лепеха.

Бұған дейін тұрмыстағы зорлық-зомбылықтың алдын алуға арналған жиында мәжіліс депутаты Жарқынбек Амантай резонансты мәлімдеме жасаған еді.

 - Заңнамамызда, қоғамымызда "арандатушы" деген ұғым бар. Бұл тұрғыда әйел де жауапкершілікке тартылуы керек. Ер адамды 15 күн изоляторда ұстаудың қажеті бар ма? Кінәсі дәлелденсе, менің ойымша, әйелін де камераға отырғызу керек. Егер отбасылық жауапкершілікті теңестірсек, көптеген мәселені бақылауға аламыз, - деді ол.

Оқи отырыңыз: Полиция қызметкерлерін көлікпен сүйреген: Қызылордада заң бұзған жүргізуші ұсталды