Оралда қалалық соттың судьясы жұмыс орнында қайтыс болды

Оралда қалалық соттың судьясы жұмыс орнында көз жұмды, деп хабарлайды Almaty.tv тілшісі ҚазАқпаратқа сілтеме жасап.

БҚО денсаулық сақтау басқармасының баспасөз қызметінен мәлім еткеніндей, оқиға 10 наурыз күні таңмен болды.

«Жедел жәрдем сағат 09:48-де шақырылды. Қалалық сотта жұмыс орнында 1968 жылғы ер адам аяқ астынан жайсыз сезінген. Жедел жәрдемді шақырған адамның сөзіне қарағанда, судья қорылдап, ес-түссіз құлаған. Марқұмның жүрегі тоқтап қалған, жедел жәрдем келгенге дейін қайтыс болып кеткен», - деп хабарлады ведомстводан.

БҚО полиция болған оқиғаны растап, ер адамның кенеттен дүниеден озғанын жеткізді.