Астанада үйдің шатырынан 20 жыл іздеуде жүрген адам табылды

Алматы аудандық ПБ қызметкерлері көрші мемлекеттің аумағында алаяқтық әрекеттерін жасағаны үшін 20 жылдан астам уақыт мемлекетаралық іздеуде жүрген Ресей Федерациясының 53 жастағы азаматын ұстады, деп хабарлайды Almaty.tv тілшісі Polisia.kz-ке сілтеме жасап.

ІІМ баспасөз қызметінің мәліметінше, күдікті алдымен Қырғызстанға қашып, ол жақтан Астанадағы туыстарына келген. Жедел іздестіру шараларының нәтижесінде ер адам үйдің шатырынан табылды.

Қазіргі уақытта оны Ресейге экстрадициялау мәселесі шешіліп жатыр.

Оқи отырыңыз: Алматыда үздік аула сыпырушы, үздік аула, үздік жасыл желек отырғызушы байқауының қорытындысы шықты