Ақтөбеде үй егесі пәтер тазалаушы қызды зорлаған

Жетім қыз, балалар үйінің түлегі пәтерлерді жинау, тамақ дайындау секілді жеке тапсырыспен айналысқан. Ақтөбе облысының ПД қазіргі уақытта зорлау ісі бойынша сотқа дейінгі тергеуді бастап жіберген, деп хабарлайды stan.kz.

Бойжеткен жергілікті сайттарда толық емес жұмыс күндерін іздестіру туралы хабарландыру жібереді. Тапсырысты алғаннан кейін ол белгіленген мекен-жайға барады, бірақ ол таңертеңге дейін келмеген.

«Ер адам қыздың ақшасын бермей, әдейі уақытын кешіктіріп отырған. Қыз ол жайлы досына ескерткен. Содан соң үй иесі оған кешкі ас қажет екенін айтып, қосымша ақыға тамақ әзірлеуді өтінген. Соңында ұялы телефонын тартып алып, есікті бекітіп, қызды таңға дейін зорлаған. Ақыры қыз айлаға басып, «еш жерге шағымданбаймын» деп, қашып кеткен, – деді Дина Смаилова өзінің Facebook парақшасында.

 Бірақ ол шыққан бетте бірден полицияға шағым түсірді. Іс NurOtan партиясының жергілікті бөлімшесінің бақылауында.

Ақтөбе облысы полиция департаменті бұл факті бойынша ҚР ҚК 120-бабының 1-бөлігі (зорлау) бойынша сотқа дейінгі тергеу басталғанын, 1997 жылы туған жәбірленушіге барлық қажетті сараптамалар тағайындалғанын хабарлады.