Риддердегі жылу электр орталығынан өрт шықты

Риддердегі жылу электр орталығынан өрт шықты, деп хабарлайды Almaty.tv.

Әкімдік ақпарынша, орталықтың қазандыққа көмір беру бөлігінде 280 шаршы метр аумақ жанып кеткен. Қызыл жалынды сөндіруге облыс орталығынан 10 өрт сөндіру техникасы мен мамандар жұмылдырылған. Нәтижесінде, негізгі өрт ошағы сөндірілді. Ал оқиғаға байланысты шұғыл штаб құрылған. Оған облыс әкімі жетекшілік етеді. Даниал Ахметов тұрғындардың тағы да жылусыз қалмауы үшін тиісті жұмыс атқарылатынын жеткізді.

«Жылыту электр орталығының көмір беру галлереясы өртенгендіктен, қазандықтар мазутпен жылытуға көшірілді. Қазір жалпы қорда 320 тонна мазут бар. Оған қоса, тағы 920 тонна жеткізілек. Бұл сұйық отын 5 күнге жетеді», – деді ШҚО әкімі Даниал Ахметов.