Қарағанды облысында жарты келіден асатын героин мен қару тәркіленді, деп хабарлайды Almaty.tv.
Есірткі заттарының алдын алу мақсатында жүргізілген арнайы операция кезінде 32 мен 51 жас аралығындағы Жезқазған мен Сәтбаев қаласының 4 тұрғыны ұсталған. Ол туралы облыстық Полиция департаментінің баспасөз қызметі хабарлады. Полиция қызметкерлерімен 32-жастағы Сәтбаев қаласы тұрғынының үйіне жүргізілген тінту жұмыстары барысында 128 полимерлік пакетке оралған ақшыл сұр түсті заттар тәркіленген. Сондай-ақ, басқа күдіктілерден жалпы салмағы 70 граммға жуық есірткі заты мен медициналық препараттар алынған.
«Сараптама қортындысына сәйкес, жалпы алынған заттардың салмағы 600 граммнан асатын героин есірткісі болып табылады. Сондай-ақ, ұсталған азаматтардан тапанша қаруы тәркіленді. Аталған фактілер бойынша Қазақстан Республикасы Қылмыстық Кодексінің 297-бабы 3-тармағына сәйкес және де 287-бабы 3-тармағына сәйкес қылмыстық іс тіркелді. Ұсталған барлық азаматтар уақытша ұстау изоляторына қамалып, тергеу амалдары жүргізілуде», – деді Облыстық ПД ресми өкілі Жанатай СЕМБЕКОВ.