Өскеменде екі теплоход жанып кетті

Департамент по чрезвычайным ситуациям Восточно-Казахстанской области

Төтенше жағдай су электр станциясының маңайында болған

Өскемен қаласында жағада тұрған екі теплоход пен дебаркадер жанып кетті, деп хабарлайды Almaty.tv тілшісі Sputnik сайтына сілтеме жасап.

Шығыс Қазақстан облыстық төтенше жағдайлар департаментінің мәліметіне сәйкес, оқиға орнына 60 өрт сөндіруші мен 11 техника барды.

"Өрт сөндірушілер жағада тұрған екі теплоход пен дебаркадердің жанып жатқанын көріп, бірден өртті өшіруге кірісті. Тілсіз жау 50-60 шаршы метрге шарпыды. Екі теплоходты дәмхана ретінде пайдаланған", - дейді құтқарушылар.

Қазіргі кезде өрттің себебі анықталып жатыр. Шұғыл штабтың мамандары тексерісті бастады.

Әзірше, қайтыс болған және зардап шеккен адамдар туралы ақпарат жоқ.