Алматыда газ құбыры жарылып, бір адам қаза тапты

Алматыда газ құбыры жарылып, бір адам қаза тапты, деп хабарлайды Almaty.tv.

Оқыс оқиға бүгін түнде Бостандық ауданы Экспериментальная база көшесінде орын алған. Peugeot 301 автокөлігі жоғары жылдамдықпен жүйіткіп келіп, көшедегі газ құбырына соқтығысады. Салдарынан құбыр тесіліп, жарылыс болған. Газ беру тоқтатылғаннан кейін ғана өртті сөндіру мүмкін болды. 

Өкінішке қарай, темір тұлпар жүргізушісінің денесін қатты күйік шалып, ол оқиға орнында тіл тартпастан жан тапсырған.