Қызылорда облысында ұшақ өртенді

Қызылорда облысында қону кезінде Ан-2 ұшағында өрт шықты, деп хабарлады Almaty.tv тілшісі Азаматтық авиация комитетіне сілтеме жасап.

Оқиға 23 ақпанда сағат 12:30-да Арал елдімекенінен он шақырым жерде болған.

Жеңіл мотролы ұшақ "Қызылорда – Арал" бағыты бойынша санитарлық рейстерді жүзеге асырған.

"Бортта экипаждың екі мүшесі мен бір жолаушы болды. Қаза болғандар мен зардап шеккендер жоқ", - делінген хабарламада.

Индустрия және инфрақұрылымдық даму министрлігінің авиациялық апаттарды тергеу департаменті оқиғаның себебін зерттейтін болады.

Ұшақ "Тараз Жаңа Әлем" жеке әуе компаниясына тиесілі.

Дереккөз: Sputnik