Меншікті өндіріс
Біз әлеуметтік желілердеміз
Павлодар облысында өрт кезінде 2 жасар қыз көз жұмды
Өрттің шығу себебі анықталып жатыр
Павлодар облысында өрт кезінде сәби көз жұмды, деп хабарлайды Almaty.tv.
Оқиға орнында екі техника мен жеке құрамнан сегіз адам жұмыс істеді.
Облыстық ТЖД баспасөз қызметінің мәліметінше, 9 тамыз күні сағат 10:29-да Тереңкөл ауданының Береговое ауылында жеке меншік үй жанып жатқаны туралы хабарлама түскен.
«Өрт кезінде 2019 жылғы бала зардап шекті, ол бірінші-екінші дәрежелі термиялық күйік алды. Баланы ауруханаға жатқызудың қажеті болмады. Өкінішке орай, 2021 жылы туған қыз бала қайтыс болды. Балалардың анасы аулада болған. Көп балалы отбасы сегізінші баланы күтуде», – дейді департаментте.
Өрттің 80 шаршы метр аумақты шарпығаны анықталды.
Тілсіз жау сағат 11:45-те оқшауланып, сағат 12:15-те толығымен жойылды. Өрттің шығу себебі анықталып жатыр.
Оқи отырыңыз: Сақ болыңыз: алаяқ өзін БЖЗҚ қызметкері ретінде таныстырған