Оралда балалар отырған автобус өртенді

Оралда лагерьдегі 60 баланы кинотеатрға тасымалдаған автобус өртеніп кетті, деп хабарлайды Almaty.tv.

Апатқа ПАЗ маркалы көлік құралын техникалық тексеруден өткізбеген 1986 жылғы жүргізуші кінәлі деп танылған. Оның сондай-ақ, міндетті сақтандыру полисі де болмапты. Ал, өңірлік полиция департаменті «өрттен зардап шеккендер жоқ» дейді.

«Жүргізуші ҚР ӘҚБтК 593-бабы 1-бөлігі, ҚР ӘҚБтК 590-бабы 9-бөлігі, 230-бабы 2-бөлігі бойынша әкімшілік жауапкершілікке тартылды. ҚР Еңбек кодексінің 64-бабы 1-тармағының 3-тармақшасын бұзғаны үшін «Балауса» балалар лагерінің қатысушыларын кинотеатрға баруын жүзеге асыру кезінде жауапкершілік танытпай, 13 маусым №52 бұйрығымен №26 мектеп директоры «Балауса» лагерінің жауапты қызметкеріне қатаң сөгіс жариялады», – деді БҚО ПД әкімшілік полиция басқармасының қызметкері Ербол Аманғалиев.

Оқи отырыңыз: Абай облысындағы өртке байланысты Ильин, Сүлейменова және Ұранхаевтан жауап алынады - Бас прокуратура