|
Оқиғалар
14.08.2019 | 15:31

Алматыда баласын құтқару үшін ана отқа оранған үйге кіріп кеткен (видео)

Оқиға кеше түнде Бостандық ауданында орын алды

Алматыда «Мерседес» көлігіндегі мас жүргізуші газ құбырын соғып, салдарынан бір үй өртке оранды, деп хабарлайды ҚазАқпарат  Алматы ПД баспасөз қызметіне сілтеме жасап.

Оқиға кеше түнде Бостандық ауданының аумағында орын алды. «Мерседес» көлігіндегі мас жүргізуші газ құбырын соққан. Табиғи газдың ағуы салдарынан тұрғын үй өртенді. Оттың ортасында қалған 11 жасар қыз бен екі ер адамды полиция қызметкерлері құтқарды.

«Жолда алдымыздан бір әйел жүгіріп шығып, бүкіл отбасы үйдің ішінде қалғанын айтты. Өзі қатты қорқып кеткен. Өзі өртеніп жатқан үйге кіруге ұмтылды. Менің әріптесім, полиция сержанты Алмаз Әсетпен бірге үй иелерін табу үшін қызыл жалының ішінен іздеуге қойып кеткен. Бақытымызға орай, жалын негізгі құрылымға жете алмады, бірақ өрт осы үйдің ауласындағы басқа ғимараттарды толығымен шарпыған. 11 жастағы қызды және тағы екі ер адамды құтқарып үлгердік. Олардың өміріне қауіп төніп тұрған жоқ. Өрт сөндіру бригадасы отты толықтай сөндірді», - дейді патрульдік полиция инспекторы Бауыржан Жексембиев.

Өз кезегінде, полицейлер баласының амандығы үшін отқа түсуге әзір болған әйелдің ерлігін айтты.

«Аналық махаббат – бұл ұлы сезім. Әйел қауіп-қатерге қарамастан, баласын құтқаруға дайын болды және бізге көп көмектесті», - деді аға сержант Жексембиев.

МАҚАЛАДА

өрт Алматы көлік үй