|
30.03.2023 | 15:40
437

Бір күнде 2 бүлдіршін терезеден құлап, ауруханаға жеткізілді

ТЖМ ата-аналарға ескерту жасады

Бір күнде 2 бүлдіршін терезеден құлап, ауруханаға жеткізілді opennews.kz

Қазақстанның екі өңірінде балалар терезеден құлап, ауруханаға түсті, деп хабарлайды Almaty.tv тілшісі ҚазАқпаратқа сілтеме жасап.

Мәселен, 29 наурыз күні сағат 16:40 шамасында Қарағанды облысының Саран қаласында 1А ықшамауданында 2020 жылы туған қыз бала 4-қабатта орналасқан пәтердің терезесінен құлап кеткен.

"Қайғылы сәтте үлкен балалар үйде болды. Қыздың жағдайы ауыр", – делінген хабарламада.

29 наурыз күні сағат 20:26-да 112 құтқару қызметіне Ақтөбе қаласы ағайынды Жұбановтар көшесіндегі 5-қабаттағы пәтер терезесінен 2021 жылы туған қыз баланың құлап кеткені туралы хабар түскен.

Қыз бала ауыр жағдайда ауруханаға жеткізілген.

ТЖМ ата-аналарға ескерту жасады:

- кішкентай балаларды қараусыз қалдырмаңыз;

- бала терезенің алдына шыға алмауы үшін жиһазды терезенің жанынан алып тастаңыз;

- москит торына сенбеңіз! Олар баланы қорғауға арналмаған;

- балаға терезені бірнеше сантиметрден артық ашуға мүмкіндік бермейтін арнайы бекіткіш қойыңыз;

- ашық терезенің жанында болу қаупі туралы балаларға түсіндіріңіз;

- егер бекіткіш құрылғы орнату мүмкіндігі болмаса, терезенің тұтқасын алып тастап, оны тек қажет болған жағдайда орнатыңыз.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир