Қарағанды облысында 7 автокөлік апатқа ұшырады

Фото из видео Polisia.kz

Полиция департаменті көлік жүргізушілерден алыс жолға шықпауын сұрайды

Қарағанды облысында 7 автокөліктің қатысуымен жол-көлік оқиғасы болды, деп хабарлайды Almaty.tv.

2 қаңтар күні сағат 13:20 шамасында "Алматы-Екатеринбург" тас жолының 1353-1425 шақырымында 7 автокөліктің қатысуымен жол-көлік оқиғасы болды.

Зардап шеккендер жоқ.

– Аталған автокөліктер Астанадан Қарағанды облысына қарай жолды жаппай тұрып өтіп кеткен. Ошағанды кентінің маңында жолдың көрінбеу салдарынан алда келе жатқан көліктер бір-бірімен соқтығысқан, – деп хабарлады Қарағанды облысы Полиция департаменті Патрульдік полиция батальонының командирі Бекзат Сәулембаев.

Полиция департаменті көлік жүргізушілерден алыс жолға шықпауын сұрайды.