АҚШ: Бостонда атыс болып, төрт адам зардап шекті

Олар ауруханаға жеткізілді, өмірлеріне қауіп төніп тұрған жоқ

Сенбі күні Бостон қаласының Дорчестер ауданында болған атыстан кем дегенде төрт адам жарақаттар алды, деп хабарлайды Almaty.tv тілшісі ҚазАқпаратқа сілтеме жасап.

Оның дерегінше, оқиға жергілікті уақыт бойынша сағат кешкі алтыда (Нұр-Сұлтан уақыты бойынша таңғы 04:00) болған.

Атыс салдарынан төрт адам зардап шекті. Олар ауруханаға жеткізілді, өмірлеріне қауіп төніп тұрған жоқ. Қазіргі кезде полиция ешкімді ұстаған жоқ. Болған оқиғаны тергеу жалғасуда.