Қостанай облысында қарулы ер адам дүкенді тонамақшы болған. Оқиға 24 ақпанда Жітіқара ауданында орын алған, деп хабарлайды Almaty.tv.
Сауда нысанына медициналық бетперде тағып алған бейтаныс азамат кіріп, біраз уақыт касса маңайында тұрады. Кейін күртешесінен пышағын шығарып, бірден сатушыға қарай ұмтылады. Бірақ кассадан ақшаны ұрламақшы болған тонаушыға сатушы әйел белсенді түрде қарсылық көрсеткен. Қарапайым саудагерден мұндай батылдық күтпеген жігіт, арам пиғылын іске асыра алмай, қашып кетеді. Облыстық полиция департаменті іс тіркеліп, жедел-іздестіру шаралары жүргізіліп жатқанын айтты.
