Қарағандыда көмір сақтайтын қойма өртенді

Қарағандыда көмір сақтайтын қойма өртеніп кетті, деп хабарлайды Almaty.tv тілшісі.

Төтенше жағдайлар басқармасының мәліметінше, өрт бүгін таңғы сағат 7:00-ге таяу болған. Ағаштан жасалған алты шаруашылық қора, 10 метр ағаш шарбақ пен қойма ішіндегі көмір жанып кеткен. Қызыл жалын жалпы 220 шаршы метр жерді алған. Отты сөндіруге 30-ға жуық адам мен 6 техника тартылып, жалын бір сағат ішінде өшіріліпті. Абырой болғанда зардап шеккен ешкім жоқ.

«Қарағанды қаласы Чайкина көшесі 160 үйдің алдында орналасқан алты қора жанды. Өртті сөндіруге 27 қызметкер және 6 техника жұмылдырылды. Зардап шеккен ешкім жоқ. Өрттің шығу себептері анықталып жатыр», – деді қалалық Төтенше жағдайлар басқармасы бастығының орынбасары Асхат Мақанов.