Шахтинскте ЖЭО жанында өрт шықты

Шахтинск қаласының ЖЭО жанында қамыс пен құрғақ шөп өртеніп жатыр, деп хабарлайды Almaty.tv тілшісіне Қарағанды облыстық төтенше жағдайлар департаментіне сілтеме жасап.

Өрт туралы хабарлама сағат 11:00 шамасында түскен. Өрттің жалпы ауданы 4 гектар.

"Жақын орналасқан қосалқы станция мен ЖЭО аумағына қауіп төнді. Жоғары температурадан электр желілерінің металл тірегі зақымдалған. Нәтижесінде электр қуат ажыратылды. Өрт 13-55-те ауыздықталды. Қаза болғандар мен зардап шеккендер жоқ. Өрттің алдын ала себебі анықталуда", - делінген хабарламада.

Өртті сөндіруге 48 адам және 16 техника жұмыс істеді.