Меншікті өндіріс
Біз әлеуметтік желілердеміз
Оралда балық аулауға кеткен ер адамның денесі табылды
19.06.2019 21:38
Марқұм қалаға қарасты Круглоозерный кенті тұсында Жайық өзеніне батып кеткен
Оралда балық аулауға кеткен тұрғынның денесі табылды, деп хабарлайды ҚазАқпарат.
БҚО ТЖ департаментінің баспасөз қызметінен түскен мәліметіне қарағанда, 1961 жылғы азаматтың денесін құтқарушылар бүгін сағат 12.40-та судан шығарды. Марқұм қалаға қарасты Круглоозерный кенті тұсында Жайық өзеніне батып кеткен.
Оның денесін шығаруға жедел құтқару жасағынан 5 қызметкер 1 техника, 1 жүзу құралымен қатысты.
Еске сала кетейік, бұдан бұрын Оралда 16 маусым күні балық аулауға кеткен тұрғынның табылмай жатқанын жазған болатынбыз. Биыл осымен өңірде 15 адам суға кетсе, соның үшеуі - балалар.