|
Oqıǵalar
05.04.2020 | 16:41

Алматыда ТЖ кезінде жұмыс істеген монша басшылары жазаланды

Сондай-ақ, бес жезөкше, екі жүргізуші және монша клиенттері жазаланды

Алматыда ТЖ кезінде жұмыс істеген монша басшылары жазаланды polisia.kz

Алматы қаласының полиция қызметкерлері төтенше жағдай кезінде жұмыс істеп тұрған моншаны анықтады, деп хабарлайды Polisia.kz.

«Біздің қызметкерлер келген кезде ғимаратта адам көп болған. Ол жерде монша қызметкерлері - әкімші, қызмет көрсетушілер мен жезөкшелер жұмыс істеген. Сонымен қатар, жезөкшелердің жүргізушілері де жұмыста болған», - дейді Алматы қаласы Полиция департаментінің басшысының орынбасары Берік Әбілбеков. 

Сол уақытта монша клиенттерге бес жеңіл жүрісті қыз келген. 

«Олар монша кабинкаларында уақыт өткізген. Одан бөлек, санитарлық-гигиеналық шаралар сақталмаған», - деді Берік Әбілбеков. 

Моншы әкімшісі болып істейтін 1990 жылғы А. есімді азаматша әкімшілік жауапкершілікке тартылды. Одан бөлек, төтенше жағдай режимін бұзған бес жезөкше, екі жүргізуші мен монша клиенттері жазаланды. 

‡агрузка...